उतरहि दिस से नैया एक आयल हे / अंगिका
- अंगिका लोकगीत
- अवधी लोकगीत
- कन्नौजी लोकगीत
- कश्मीरी लोकगीत
- कोरकू लोकगीत
- कुमाँऊनी लोकगीत
- खड़ी बोली लोकगीत
- गढ़वाली लोकगीत
- गुजराती लोकगीत
- गोंड लोकगीत
- छत्तीसगढ़ी लोकगीत
- निमाड़ी लोकगीत
- पंजाबी लोकगीत
- पँवारी लोकगीत
- बघेली लोकगीत
- बाँगरू लोकगीत
- बांग्ला लोकगीत
- बुन्देली लोकगीत
- बैगा लोकगीत
- ब्रजभाषा लोकगीत
- भदावरी लोकगीत
- भील लोकगीत
- भोजपुरी लोकगीत
- मगही लोकगीत
- मराठी लोकगीत
- माड़िया लोकगीत
- मालवी लोकगीत
- मैथिली लोकगीत
- राजस्थानी लोकगीत
- संथाली लोकगीत
- संस्कृत लोकगीत
- हरियाणवी लोकगीत
- हिन्दी लोकगीत
- हिमाचली लोकगीत
उतरहि दिस से नैया एक आयल हेऽ
हिंगुर रंगल दुनू मांगि हेऽ
नैयो नै छियै बनिजरबो नै छियै हेऽ
बिनु रे खेबैया नैया आबै हेऽ
कहाँ गेलऽ किया भेलऽ रैया रनपाल हो
जल्दी से देहु नैया कात लगाय हो
किए तहूँ छिही गे बुढ़िया
दैतनी जे भूतनी गे
निसिभाग राति पाड़ै छै हाक गे
नहि हम छिये बेरीबरबा
दैतनी जे भूतनी रे
नहि हम भूतनी पिसाचनी रे
जाति के जे छिकियै बैरीबरबा
बराहमन कुल बेटिया रे
लोक कहै छै कोसिका कुमारि रे
जब तहूँ पुछले बेरीबरवा जातिया ठेकान रे
कहि दहि अपनो नाम ठेकान रे
जाति के छियै माय कोसिका
जाति के मलाह गे
माय-बाप रखलक माय कोसिका
कोहला दे देव नाम गे
पहिलुक पूजा कोहला देव,
तोहरे देबअ हो
चलऽ कोहला देव हमर साथ हो
माय हमर आन्हरि कोसिका
बाप काया कोढ़ि गे
हमे कौना जइबौ संग साथ गे
माय के आँखि देबौ,
बाप के काया देबौ बनाय हो
चलू कोहला वीर हमर संग साथ हो
गोड़ तोरा लागै छी माय कोसिका
दुह कर जोड़ि हे
विपत्ति बेरिया होहु ने सहाय हे ।
