भारत की संस्कृति के लिए... भाषा की उन्नति के लिए... साहित्य के प्रसार के लिए
एहि भयाओन समयमे / गंग नहौन / निशाकर
Kavita Kosh से
बेरोजगारीक मारि
सहऽ बलाक लेल
रोजगार पाएब
होइत अछि स्वप्न सन
एहि भयाओन समयमे।
पसरैत अछि लोमहर्षक दृश्य
हॉलीबुडसँ वॉलीवुड धरि
संसदसँ सड़क धरि
शिक्षालयसँ वेश्यालय धरि
आ गलीसँ ओछाओन धरि
एहि भयाओन समयमे।
आन्हर कानून
नाँगर प्रशासन
बौक विचारक
आ घाघ होइछ मंत्री
एहि भयाओन समयमे।
आब
के मानत?
ककर बात
टूटैछ सम्बन्ध
जन्म लैछ
मोनमे कुण्ठा
एहि भयाओन समयमे।
