भारत की संस्कृति के लिए... भाषा की उन्नति के लिए... साहित्य के प्रसार के लिए
कौनें ओझागुनी करी जाय छै / अमरेन्द्र
Kavita Kosh से
कौनें ओझागुनी करी जाय छै
देश जयचन्द सें भरी जाय छै
गाछ केकरो कहीं लगाबै छी
सब बबूले में जाय फरी जाय छै
कुछ नै लागौं तोरा धरम लेकिन
लोग आनौं पेॅ एक मरी जाय छै
चारा केकरो रहेॅ कहूँ में रहेॅ
भैंसा आबीकेॅ सब चरी जाय छै
हेनोॅ रक्षक खड़ा छै मंदिर लेॅ
रामो रहि रहि बहुत डरी जाय छै
गाय रोॅ पूंछ के धरी तरलै?
कुरसी पकड़ी केॅ सब तरी जाय छै
एक अमरेन्द्रे के भरोसा छै
आरो तेॅ ऋतुवे रं टरी जाय छै
-28.7.91
