भारत की संस्कृति के लिए... भाषा की उन्नति के लिए... साहित्य के प्रसार के लिए
क्रमशः / देवान किराती
Kavita Kosh से
बाँच्नु क्रमशः
मान्छे बाँचिरहेछन् तर जीवन..........
बाँचिरहेको छैन
अभिनयको क्रमशः छ बाँच्नु मान्छे
जीवन बाँच्नुको केन्द्रमा नै तर अचल छ ।
बेसरम
आजकल
बीच–सडक नङग्याउन मन लाग्छ आफैँलाई
र दङग्याउन मन लाग्छ मान्छेहरूलाई
आखिर
अभिनय यहाँ बाँच्छ मान्छे
ढोँग बाँच्छ
भ्रम ! भ्रम ! भ्रम !
मात्रै नाङ्गो अभिनय !
मात्रै सपना हेरेर रमाउने मुस्काउनेहरूले
के बुझ्नसक्छ पलपल जीवनको ?
कि म
अभिनय ! घोर अभिनय बाँचिरहेछु
मान्छे मात्रै स्वरूप बाँचिरहेछ । तर जीवन.....
बाँचिरहेको छैन
अभिनयपछिबाट
सिङ्गै जीवन रहन्छ बाँकी जिउन
जीवनको यथार्थ बाँच्नु....
बाँकी क्रमश.........।
