भारत की संस्कृति के लिए... भाषा की उन्नति के लिए... साहित्य के प्रसार के लिए
गाउँ–गाउँबाट उठ / श्याम तमोट
Kavita Kosh से
गाउँ–गाउँबाट उठ, बस्ती–बस्तीबाट उठ
यो देशको मुहार फेर्नलाई उठ ।
हातमा कलम हुनेहरु, कलम लिएर उठ
बाजा बजाउँन जान्नेहरु, बाजा लिएर उठ ।
हातमा औजार हुनेहरु, औजार लिएर उठ
साथमा केही नहुनेहरु, आवाज लिएर उठ ।
झिल्का–झिल्का बल्नेहरु, ज्वाला भएर उठ
देशका लागि लड्नेहरु, एकजुट भएर उठ ।
