भारत की संस्कृति के लिए... भाषा की उन्नति के लिए... साहित्य के प्रसार के लिए
गीतावली अयोध्याकाण्ड पद 36 से 50/पृष्ठ 5
Kavita Kosh से
(40)
सखि जबतें सीतासमेत देखे दोउ भाई |
तबतें परै न कल, कछू न सोहाई ||
नखसिख नीके, नीके निरखि निकाई |
तन-सुधि गई, मन अनत न जाई ||
हेरनि-हँसनि हिय लिये हैं चोराई |
पावन-प्रेम-बिबस भई हौं पराई ||
कैसे पितु-मातु प्रिय परिजन-भाई
जीवत जीवके जीवन बनहि पठाई ||
समौ सो चित करि हित अधिकाई |
प्रीति ग्रामबधुनकी तुलसिहु गाई ||
