भारत की संस्कृति के लिए... भाषा की उन्नति के लिए... साहित्य के प्रसार के लिए
छेडक़ली जंग / ओम पुरोहित कागद
Kavita Kosh से
हांती-पांती
हक हकूकत री राड़
मची ई है जरूर
राजा-प्रजा में
काळीबंगा रै सूंऐ दिनां
थेड़ होवण सूं पै’ली
जीती है छेड़कली जंग
कारूआं-कामगारां
बतावै
थेड़ में मिल्या
दांती-कस्सिया-हंसिया
राजा ई भाग्यो है
पकायत
आंगणां में पड़ी
हाथी दांत री तरवारां
भरै साख
पण उण रा खोज
लाधै कद!
