भारत की संस्कृति के लिए... भाषा की उन्नति के लिए... साहित्य के प्रसार के लिए
तकनीक / निशान्त
Kavita Kosh से
तीन-चार सालां बाद
उन्याळै जिस्यो रैयो उन्याळो
अर आयो है स्याळै जिस्यो स्याळो
खेतां मांय उगी खड़ी है
हरी-हरी फसलां
बिचाळकर निसरती
सड़क माथै बळी पड़ी है
अेक कार
बतावण आळां बतायो-
गैस स्यूं चालणआळी कार मांय
गैस स्यूं लागी आग
कुदरत नीं मारणो चावै
आदमी नै
आदमी नै मारसी
आदमी री तकनीक ।
