तंय कुहुक झन कोइली,
सुहावत नइये बोली।
बइठे गोबरहिन बमभूर छईहा।
मोर खेती हे झुख्खा आंखी म लईहा॥
कउहा म खोंधरा झुलत हे डोरी।
का मंगईया बनंव के करंव चोरी।
ठों ठों हे दर्रा भरकाहा नहर।
का खेती ल बेंचसी जावंव सहर॥
अइलाहा धान अउ हरियर कांसी
का लईका सुवारी संग लगा लंव फांसी।
ठुड़गा त ठाढ़े गाहदे रुख हे चूप।
होगे जिनगी भंवर अउ दुनिया कुलूप ॥
नवा है भांड़ी चिकन परदा।
ये दे भट के मन देवता देखा दे निक रद्दा॥