भारत की संस्कृति के लिए... भाषा की उन्नति के लिए... साहित्य के प्रसार के लिए
नांव खातर / मदन गोपाल लढ़ा
Kavita Kosh से
नहर नैं गुमेज है
कै उणरै नांव माथै बसग्यो
अेक भरयो-पूरो गांव
चक चौबीस पी.बी.अेन.।
राज रै कागदां
अर जन रै काळजै
बस्योड़ो ओ गांव
सोधीज सकै
गूगल मेप री मारफत
देस-दुनिया में कठैई बैठ्यां!
नांव टाळ
कांई रैवै लारै
गयां पछै
नहर नैं थावस है
इतियास रै आंगणै
ओ गांव
रुखाळैला उणरै नांव नैं
जुगां तांई।
