अहिड़ो को कमु करियां जीअं नाऊँ चढ़हे अख़बारुनि में,
किरां केरायां या फ़िरां फ़ेरायां-जीअं नाऊँ चढ़हे अख़बारुनि में!
कम किने कासाईअ करे, कनसु अॼु बि बदनाम आहे,
कुहां कंहिं त देवीअ पुट जीअं नाऊँ चढ़हे अख़बारुनि में!
मौक़ो मस्त, बीठो तैयार आहे झले कैमरा फोटोग्राफर,
चुमां चरण नेता जा झटि जीअं नाऊँ चढ़हे अख़बारुनि में!
लिबास अछे में जु़ल्म करियां पिणु खू़न ऐं खाट हणां,
पकड़े पुलीस छॾे त ॾींदम, ईअं नाऊँ चढ़हे अख़बारुनि में!
जोइ त सभ खे पंहिंजी लॻे थी प्यारी पर मां,
आम खुलऐ ॿिऐ में विझां अखि जीअं नाऊँ चढ़हे अख़बारुनि में!
वेझो चूंडुं आयो अॻुवान घर भल त आह विढ़हियल,
सियासीअ साणु सियासत हली हथु मिलायां जीअं नाऊँ चढ़हे अख़बारुनि मे!