भारत की संस्कृति के लिए... भाषा की उन्नति के लिए... साहित्य के प्रसार के लिए
पिया पावस झरै / ऋतुरंग / अमरेन्द्र
Kavita Kosh से
पिया पावस झरै।
सरंगें निचौड़ै की भिंजा साड़ी
जैर्से पानी गरै।
पिया पावस झरै।
चानी के ठनका के कोर चमकै छै
अँचरा के खुशबू सें अग-जग भरै
पिया पावस झरै।
फसकीकेॅ बादर के खोपोॅ छिरयैलै
लाजोॅ सें धरती पर मोंरवा मरै
पिया पावस झरै।
डाकै छै झिंगुर तेॅ बेंगो भी डाकै
पोखरी में उछलै छै मिरका-गरै
पिया पावस झरै।
सरगद सरंग छेलै सरगद छै धरती
केनाकेॅ केकरो गिरहस्थी सरै
पिया पावस झरै।
-3.9.95
