फोटो छपीं त मां बि वॾो थी पवां हुजूर!
मशहूर थोरो आहियां, घणो थी पवां हुजूर!
रुतबनि लियाकतुनि खे खपे चुहिच रंगु थो,
ॾिसिजंइ मतां किथे बि छिडो थी पवां हुजूर!
भरपूर हिक नज़र सां कोई जे छुही वञे,
कंहिं लॼ शर्म हया जो नशो थी पवां हुजूर!
चित्रनि में अज़म, शौक़ ऐं अहिसास कैद करि,
थोरो मलूक, थोरो छसो थी पवां हुजूर!
क़दु मुंहिंजे जे़हन जो आ मुवाफ़िक़, चवनि था सभु,
एॾो छिकीं मतां जो डिघो थी पवां हुजूर!
लफ़ज़नि खे कंहिं गुनाह जी एॾी सज़ा न ॾे,
हथ में क़लम हुजे ऐं जॾो थी पवां हुजूर!
हासिद रुॻो थो लोइजे ऐं लोधिजे ऐ दोस्त,
पंहिंजी धरीं नज़र त चङो थी पवां हुजूर!