बौलै अंग्रेजी विलायती चाल
मौसी के झात छै माय के लात,
सिसटर मिसटर मास्टर सर,
साहिवी वोली में टरै टर।
देखलौं कत्ते जोर लगैलिहौं,
हाकिमों तक नैं बोलें देलिहौ,
कसर मसर नै कन्हौ रखलिहौ,
मामला ते आवे हाथें लेलिहै।
कुरसी मेज थपथपवे लगलै,
हमरा वेकूव वनावै लगलै,
वीतलै आजादी छः दसक,
आपनो भाषा में कसक मसक।
बाबा जी ठगैके लाल पतरा,
चोरो छिनारो के जेब कतरा,
भारतीय सभ्यता पर खतरे खतरा,
टायसीट पतलून पीन्ही की मजरा।
जवकि केन्हौं नै छै चांप,
वदन सिहरें छै बोलै में सांच,
माय के विसारौ नै आवौ आंच
की माथा पै चढ़लौ नोंचनी खांज।