भाग्यले उसलाई लुटेर लग्यो केही भन्न सकिनँ
पराई भई हराइगई कहीँ देख्न सकिनँ
जानेर उसलाई गुमाएको हैन भाग्यले लुटेको
अँगाल्न मैले नचाहेको हैन भाग्यै हो फुटेको
मनमा माया सङ्गाली राखेँ आऊ भन्न सकिनँ
भाग्यले उसलाई लुटेर लग्यो केही भन्न सकिनँ
छातीमा मुटु धड्केको हैन चोट हो लुका'को
आँखामा आँसु छल्केका हैनन् पीडा हो फुका'को
चाहेको थिएँ जुन कुरा भन्न त्यही भन्न सकिनँ
भाग्यले उसलाई लुटेर लग्यो केही भन्न सकिनँ