भारत की संस्कृति के लिए... भाषा की उन्नति के लिए... साहित्य के प्रसार के लिए
मतदान / चन्द्रप्रकाश जगप्रिय
Kavita Kosh से
भालू नें
भालूनी सें कहलकै
पिछलुका बेरी वोट दै लेॅ गेलियै
वै ठांम एवीएम मशीन पर नजर देलियै
वै में एक सें बैढ़केॅ एक
बेइमान के नाम देखलियै
केकरा वोट दियै
हमरोॅ माथा चकरैलै
फिरो वै मेॅ सें चुनलियै
जे छै कम बेइमान
ओकरा आपनोॅ वोट
दै केॅ कैलियै सम्मान
यै बार के चुनाव में सबके सब बराबर पैलियै
तब
नोटा के बटन दबायकेॅ वापस ऐलियै।
