मलाई छोडी मेरो छायाँ / क्षेत्रप्रताप अधिकारी

मलाई छोडी मेरो छायाँ कतै झरेछ
तिमि सम्म आई पुग्दा साँझै परेछ

त्यसै कति बिते मेरा, चिसा चिसा रातीहरु
तातो माया संगालेर, खोजि रहें साथीहरु
बैंश छँदा नभोगेको रातै ढलेछ
तिमि सम्म आई पुग्दा साँझै परेछ

नलेखेको गीत मेरो, पाखा भरि गाए जस्तो
नदेखेको माया मेरो, आँखा भरि पाए जस्तो
जिन्दगिको छेउ मा कतै, ज्योति झरेछ
तिमि सम्म आई पुग्दा साँझै परेछ