भारत की संस्कृति के लिए... भाषा की उन्नति के लिए... साहित्य के प्रसार के लिए
म्हारै खातर कविता / गंगासागर शर्मा
Kavita Kosh से
जद ई आवै
म्हारै मन में कोई
नवो विचार
तो वो
हाथोहाथ ई कविता में
बदळ जावै।
म्हारै खातर स्यात
सबद कोई मायनो कोनीं राखै।
म्हैं तो भाव/संवेदना रो पुजारी
फगत सबदां सूं सज्योड़ी कविता में
वा मौलिकता/सच्चाई कठै?
सबद चावै मिलै कै नीं मिलै
म्हारै कैवणै रो अरथ
पूगणो जरूरी है।
