भारत की संस्कृति के लिए... भाषा की उन्नति के लिए... साहित्य के प्रसार के लिए
यी हल्लाहरु हुन् तिमीले सुनेका / कृष्णहरि बराल
Kavita Kosh से
यी हल्लाहरु हुन् तिमीले सुनेका
कसैसँग मैले मुटु साट्या छैन
नपत्याए हेर चिरेर यो छाति
तिमीलाई कहिले मैले ढाँट्या छैन
यो मनमा तिमी छौ बचनमा तिमी छौ
तिमी स्वप्न बन्दै सजेकी नयनमा
म भेट्छु तिमी नै यी फूलमा बहारमा
यो निलो गगनमा यो शीतल पवनमा
यो विश्वास गरिदेऊ, तिमीलाई नसम्झी
कुनै रात मैले एक्लै काट्या छैन
म फुल्छु हँसिलो लिई ओठ तिम्रै
तिमी साथ हुन्नौ, मेरो अर्थ हुन्न
म भुल्छु मलाई ,खाली जिन्दगीमा
तिमीलाई भुल्ने सामर्थ्य हुन्न
यो विस्वास गरिदेऊ, तिमीलाई नसम्झी
कुनै रात मैले कतै काट्या छैन
शब्द – कृष्णहरि बराल
स्वर – आनन्द कार्की
संगीत – दीपक जंगम
