भारत की संस्कृति के लिए... भाषा की उन्नति के लिए... साहित्य के प्रसार के लिए
वसन्त विदाय / ऋतु रूप / चन्द्रप्रकाश जगप्रिय
Kavita Kosh से
दू महिना रही केॅ
आखिर लौटी गेलै वसन्त
खूब गमकलै अमराई
खूब गमकलै महुआ वन
केन्होॅ-केन्होॅ फूलोॅ के इत्र लगैनें
ऐलोॅ छेलै वसन्त
कि चारो दिश अभियो भी हवा मेॅ
कुछ-कुछ होनै छै खुशबू।
अभी होने मतैलोॅ छै
कदली वन
मतर कहिया तक?
लौटी गेलै वसन्त
फेनू सेॅ आवै के ढाढ़स देतेॅ
सबके रस-मनुहार लेतेॅ।
