सियासी शींहं जी लड़ाई / अर्जुन ‘शाद’

असां खे
शींहं जी लड़ाई ॾिसण में
मश्गूल रखियो वञे थो
ज़िन्दगीअ जो मर्कजु
लड़ाई आहे
सुलह जूं ॻाल्हियूं
अमन, एकता एं शांतीअ जा गुफ़्ता
ताक़त खे महफू़ज़ रखण लाइ ई
हथियार आहिन;
ड्रामा जे अदाकारनि जो
निहायत ई असराइतो पार्ट आहे
असां जे दिल, दिमाग
बल्कि
सारे वजूद मथां
इहे छांइजी वञनि था
इहो ड्रामा
फ़कत टिनि एक्टनि जो न आहे
हज़ारें एक्ट आहिन
इनहीअ ड्रामा में!