हेनोॅ विष-विष शिशिर,
रहै नै दै छँ यें देहोॅ केॅ थिर
हेनोॅ विष-विष शिशिर।
जाड़ोॅ रोॅ जोगिन दै चारो दिश फेरा
घुमी-घुमी बान्हैं कुहासोॅ के घेरा
सब्भे बन्हैलै जाय गोड़ोॅ सें सिर
हेनोॅ विष-विष शिशिर।
जेकरोॅ नै भागोॅ में रूई नै दुई
बोरसी के बीचोॅ में ऊ छुईमुई
दलकै छै, दलकलोॅ रातिके पहिर
हेनोॅ विष-विष शिशिर।
हुनकोॅ वियोगोॅ में जे रङ मन दहकै
कैहिनें नी हाड़-माँस लकड़ी रङ लहकै
जाड़ां तेॅ जोरने रङ पोरै रुहिर
हेनोॅ विष-विष शिशिर।
-6.1.97