भारत की संस्कृति के लिए... भाषा की उन्नति के लिए... साहित्य के प्रसार के लिए

आपां मिळिया? / श्यामसुंदर भारती

Kavita Kosh से
Neeraj Daiya (चर्चा | योगदान) द्वारा परिवर्तित 03:25, 26 सितम्बर 2011 का अवतरण (नया पृष्ठ: {{KKGlobal}} {{KKRachna |रचनाकार=श्यामसुंदर भारती |संग्रह= }} {{KKCatMoolRajasthani}} {{KKCatKavita‎}}<poem>य…)

(अंतर) ← पुराना अवतरण | वर्तमान अवतरण (अंतर) | नया अवतरण → (अंतर)
यहाँ जाएँ: भ्रमण, खोज

यूं मिळिया आपां

       म्हैं थां सूं मिळियौ
              जकौ म्हैं नीं हौ
                    थां ई म्हां सूं मिळिया
              जका थां नीं हा

      मिळतां पांण
          म्हैं तपाक सूं हाथ आगै कियौ
                     जकौ म्हां’रौ नीं हौ
                     थां ई झट हाथ लांबौ कियौ
                                  जकौ थां’रौ नीं हौ

       यूं आपां मिळ नै
           दूजा-दूजा हाथ मिळाया
                   दूजी-दूजी मुळक पसारी
                   खिणखौळै चढिया
       घणी सारी दूजी-दूजी बातां करी
    
                 इण भांत बार-बार
                          दूजा-दूजा आपां
                 एक-दूजे सूं मिळिया
                   
                           आपां कदैई मिळिया ?