भारत की संस्कृति के लिए... भाषा की उन्नति के लिए... साहित्य के प्रसार के लिए

जस ई जिनिगी / चंद्रभूषण पाण्डेय

Kavita Kosh से
Jalaj Mishra (चर्चा | योगदान) द्वारा परिवर्तित 11:51, 6 जून 2020 का अवतरण ('{{KKGlobal}} {{KKRachna |रचनाकार= |अनुवादक= |संग्रह= }} {{KKCatKavita}} {{KKCatBihar}} {{KKCat...' के साथ नया पृष्ठ बनाया)

(अंतर) ← पुराना अवतरण | वर्तमान अवतरण (अंतर) | नया अवतरण → (अंतर)
यहाँ जाएँ: भ्रमण, खोज

सेमर के फुल
लाल टहकार
मजेदार समझदार
खिलेला त
झर जाली पतऽइ
बांच जाला फुल
लाल टहकार
मजेदार समझदार
ठुठ के रुप लेले
आपन आपन फेड़न प
सुग्गा के ठोर
लाल टहकार
मजेदार समझदार
मारेला ठोर फेन
सवाद खाति त
छितरा जाला फुल
रसदार मालदार
उड़ जाली रुई
होईके सवार
बगबग उजर पांखन प
सपनवाँ असहीं
लऽउके मालदार
मजेदार समझदार
आंख खुलेला त
जिनगी लऽउके
धारदार झोलदार
दमदार असरदार
बांच जाला ठुठ फेंड़
जस ई जिनिगी
आपन आपन कसौटिन प