Last modified on 17 दिसम्बर 2020, at 20:06

तस्विरसँग / सुमन पोखरेल

Sirjanbindu (चर्चा | योगदान) द्वारा परिवर्तित 20:06, 17 दिसम्बर 2020 का अवतरण

(अंतर) ← पुराना अवतरण | वर्तमान अवतरण (अंतर) | नया अवतरण → (अंतर)


यो मन्द उज्यालो
यो मन्द अँध्यारो
मन्द प्रकाश
मन्द अन्धकार
मा
तिम्रो तस्वीर
मुख छोपेको केशले
मुख छोपेको हातले ।

मन्दमन्द मात लागेका
मेरा आँखा
मेरो शरीर
मेरो रगत
मेरा कामना ।

हावाले हल्लाएका रुखका हाँगाहरू
र सुकेका पातहरू
र झ्यालका पर्दाहरू
का आवाजहरू,

सरसर खरखर बीच
बतासले झारेका फूलहरू
र फलहरू
र भित्ताका तस्वीरहरू
का स्वरहरू,

टक टक टक टक बीच
तिम्रो आहट झैँ
पर कतै
बाँसुरीले लय हाल्यो
पर कतै
मौसमले वसन्त ल्यायो ।

तिम्रो मुस्कानले तस्वीरको
सुस्तरी भन्यो
पर्खिराख म आउँदैछु ।