भारत की संस्कृति के लिए... भाषा की उन्नति के लिए... साहित्य के प्रसार के लिए
तोहरा मन पड़ते मनवा मगन हो गइल / गुलरेज़ शहज़ाद
Kavita Kosh से
Jalaj Mishra (चर्चा | योगदान) द्वारा परिवर्तित 16:20, 24 जुलाई 2020 का अवतरण
तोहरा मन पड़ते मनवा मगन हो गइल
कारी रतिया सोहागिन नियन हो गइल
आरती के बरल दीप लागेलू तू
तोहरा देखि के पावन नयन हो गइल
बिना मतलब के कतहूँ निहारत रहे
रूप में रब निहारत ई मन हो गइल
रूप पानी में कांपत चनरमा नियन
नेह पानी के चूमत पवन हो गइल
कुछ ना कहलू जे तू चुप रह गईनीं हम
आँखे आँखे में सातो बचन हो गइल