भारत की संस्कृति के लिए... भाषा की उन्नति के लिए... साहित्य के प्रसार के लिए

प्रेम / किशोर पहाडी

Kavita Kosh से
Sirjanbindu (चर्चा | योगदान) द्वारा परिवर्तित 16:17, 14 नवम्बर 2017 का अवतरण ('{{KKGlobal}} {{KKRachna |रचनाकार=किशोर पहाडी |अनुवादक= |संग्रह= }} {{KKC...' के साथ नया पृष्ठ बनाया)

(अंतर) ← पुराना अवतरण | वर्तमान अवतरण (अंतर) | नया अवतरण → (अंतर)
यहाँ जाएँ: भ्रमण, खोज


जब जब पानी पर्छ
म तिमीलाई सम्झन्छु
तिम्रो सुन्दर केश राशीबाट
झर्दै गरेका थोपाहरू
मोतीका
र बग्दै गरेको नदी झैँ ।

जब जब रात पर्छ
म तिमीलाई देख्दछु
आउँदै विस्तारै अँधेरोबाट
छाया विनाका
तिम्रा ओठहरू
केस्रा केस्रा
फूलका पत्र पत्र झैं ।

एक मध्यान्तर पश्चात्
बाँकी छौ तिमी
अब केही एसएमएसभित्र
छौ तिमी मुस्काउँदै गरेको
सम्झनाको ईनबक्सभित्र

एस्एम्एस्

ईनबक्समा
डिलेट बटनको खोजी गर्दै तिमी रहेको बेला
समुद्र किनार बालुवामा
कोरिएको नाम झैँ
यता तिमी मेटिएका छौ
एक छालद्वारा
मेरो हृदयको क्यानभासभित्र ।

र फेरि म
आफ्नो रित्तो हृदय लिएर
सूर्योदय र सूर्यास्तका क्षणहरूसँगै
आज निस्केको छु
तिम्रो मुस्कानको खोजीमा ।

तर अचेल मलाई
किन हो किन
प्रेम
घृणाभन्दा
पनि बढी त्रासद लागिरहेको छ ।