भारत की संस्कृति के लिए... भाषा की उन्नति के लिए... साहित्य के प्रसार के लिए

वापसी / रश्मी रामाणी

Kavita Kosh से
Lalit Kumar (चर्चा | योगदान) द्वारा परिवर्तित 22:39, 1 अक्टूबर 2016 का अवतरण ('{{KKGlobal}} {{KKRachna |रचनाकार=रश्मी रामाणी |अनुवादक= |संग्रह= }} {{KK...' के साथ नया पृष्ठ बनाया)

(अंतर) ← पुराना अवतरण | वर्तमान अवतरण (अंतर) | नया अवतरण → (अंतर)
यहाँ जाएँ: भ्रमण, खोज

सभु कुझु वापस ईन्दो आहे संसार में
उमास जी अंधेरी रात खां पोइ
रोज़ मोटन्दो आहे चंडु
धीरे धीरे वधन्दी मुरिकन्दी आहे चांडोकी
होरियां होरियां
तारनि जे आस पास

हर सांझीअ
सिजु समाइजी वेन्दो आहे
ओलह जे समुंड में
रतो-रतु आसमान में छांइजी
वेन्दी आहे सांति
पर रात गुज़रन्दे ई ओभर जे उफ़क़ मां
लीओ पाईन्दो आहे नरमु मुलायम, सुखऱ् सिजु
कंहिं नएं ॼावल ॿार जियां
कॾहिं-कॾहिं
लोॾीन्दी आहे हवा संसार खे कुझु देर
पर जल्दु ई मोटी वेन्दी आहे झंगल में।
वापस ईन्दी आहे उस हर ॾींहुं
चुमंदी आहे जबलनि जा चप

सियारो बि मोटन्दो आहे खामोशीअ सां
कोहीड़े जी चादर पाए।
मुरिझायल पन वणनि तां किरन्दा आहिनि
चुप चाप
खेनि मिटीअ में मिलाए
धरती ॾेई छॾीन्दी आहे पाडुनि खे
ऐं हिक ॾींहुं उहे ईसुकल पीला पन
मोटी ईन्दा आहिनि
ख़ूबसूरत सावक सां भरपूर
नवां पन बणिजी लुॾन्दड़ टारियुनि ते।

सुर वापस ईन्दा आहिनि साज़ में
अबा-ॾाॾा पंहिंजे वारिसनि में
गुल फुल ऐं जीव ख़त्म थी वेन्दा आहिनि
पंहिंजे वक़्त सां
नएं सिरवरी मोटन्दा आहिनि संसार में
जीअं कोई पूरो करे पंधु
वापस अचे पंहिंजे सफ़र तां।