भारत की संस्कृति के लिए... भाषा की उन्नति के लिए... साहित्य के प्रसार के लिए
अंग्रेजी-1 / मथुरा नाथ सिंह ‘रानीपुरी’
Kavita Kosh से
Rahul Shivay (चर्चा | योगदान) द्वारा परिवर्तित 20:28, 18 सितम्बर 2017 का अवतरण ('{{KKGlobal}} {{KKRachna |रचनाकार=मथुरा नाथ सिंह 'रानीपुरी' |अनुवाद...' के साथ नया पृष्ठ बनाया)
1.
ऐलै आवाज
भारती भाषा पर
अंग्रेजी राज।
2.
यहेॅ पढ़ाय
अंग्रेजी के आबेॅ रे
करोॅ बड़ाय।
3.
कैन्होॅ प्रयोग
भारत में ऐलै नी
अंग्रेजी रोग।
4.
कत्तेॅ रे छूट
करुवा देहोॅ पर
अंग्रेजी सूट।
5.
मिटलै आशा
हिन्दी सें गुरुतर
अंग्रेजी भाषा।
6.
छेकै ई सोंच
भारत भूमि पर
अंग्रेजी खोंच।
7.
मारै जे गोली
वोकरै आय हम्में
बोलै छी बोली।
8.
कहै जे कारोॅ
वोकरे भाषा संग
मुँहोॅ के लारोॅ।
9.
छेलै जे गंदा
अंग्रेजी के ऊ धंधा
डालै छै फंदा।
10.
की नै करकै
बम बरसैलकै
जानो मारकै।
11.
ई मृगतृष्णा
गोरकाँ की नै करै
कारोॅ सें घृणा।
12.
बनोॅ अंग्रेज
करत्हौं हरदम
ऊ परहेज।
13.
बनोॅ अंग्रेज
देत्हौं की कहियो ऊ
तोरा दहेज।
