भारत की संस्कृति के लिए... भाषा की उन्नति के लिए... साहित्य के प्रसार के लिए
अकल-हुसियारी / कुंदन माली
Kavita Kosh से
सशुल्क योगदानकर्ता ३ (चर्चा | योगदान) द्वारा परिवर्तित 06:24, 20 जून 2014 का अवतरण ('{{KKGlobal}} {{KKRachna |रचनाकार=कुंदन माली |संग्रह=जग रो लेखो / कुं...' के साथ नया पन्ना बनाया)
क्यूं सरणावै डूंज बायरा
क्यूं सरणावै लाम्बा रूंख
क्यूं कर तूटै आभै तारा
क्यूं उठै आ हिवड़ै हूक
क्यूं कर आंख्यां धूल़ो झोंकै
क्यूं कर चालै डोढ़ी चाल
क्यूं कर झांकै अगलां-बगलां
क्यूं कर होवै यूं बेथाल
क्यूं कर ढांके अल्लापल्ला
क्यूं तापै औरां री लाय
क्यूं कर नापै गेल सांकड़ी
क्यूं तोके औरां री हाय
क्यूं कर होई रैण सवाई
क्यूं कर कांपी सांची बात
क्यूं कर होंई बावल़ी सीता
क्यूं थाक्या हरिचंद-परलाद ?
