अखियुनि सां पी जे सघां ख़ामोशी!
जिते जॾहिं बि ॾिसां ख़ामोशी!
हवाऊं पाणा में थियूं सुस-पुस कनि,
लंघे जॾहिं बि जितां ख़ामोशी!
तूं कंहिं बि चौंक ते बीठी हूंदींअ,
घिटियूं मां घर थो पुछां, ख़ामोशी!
घड़ियूं ॿ किअं बि लीओ पाए वञु,
अकेलो थी थे पवां, ख़ामोशी!
ॿ लफ़्ज़ मुंहिंजा था बकवास लॻनि,
चई मां छा थो चवां, खामोशी!
लॻे थो, पाण खे ॻोल्हे वठंदुसि,
जे तुंहिंजो अन्त लहां, ख़ामोशी!
सॼो जहान ई गूंगो हासिद,
मां कंहिं ते कंहिं ते खिलां, ख़ामोशी!