अगे अगे चेरिया कवन चेरिया गे / मगही

मगही लोकगीत   ♦   रचनाकार: अज्ञात

लोकगीतों की भाषा चुनें अवधी कन्नौजी कश्मीरी कुमाँऊनी खड़ी बोली गढ़वाली गुजराती गोंड छत्तीसगढी निमाड़ी पंजाबी बाँगरू बांग्ला बुन्देली ब्रजभाषा भदावरी भोजपुरी मगही मराठी माड़िया मालवी मैथिली राजस्थानी संथाली संस्कृत हरियाणवी हिन्दी हिमाचली देखें

अगे<ref>अरी</ref> अगे चेरिया<ref>नौकरानी, दासी</ref> कवन चेरिया गे।
चेरिया अँगना बहारि<ref>बुहारकर</ref> देखूँ, भइया नहीं आयल हे॥1॥
केकरा<ref>किसके</ref> सँघ बइठम<ref>बैठूँगी</ref> चनन पीढ़वा<ref>पीढ़े पर</ref>।
केकरा से सोभे मोर माँड़ो<ref>मण्डप</ref> भइया नहीं आयल हे॥2॥
सामी सँघे बइठम चनन पीढ़वा।
गोतिया से सोभे मोर माँड़ो, भइया नहीं आयल हे॥3॥
कइसे पेहरब<ref>पहनूँगी</ref> इयरी पियरिया<ref>लाल-पीली साड़ी</ref> से कइसे रँगायब गोड़<ref>पैर</ref>।
मोरा लेखे<ref>लिए</ref> माँड़ो हे बिजुबन<ref>बीहड़ वन</ref> बिनु भइया न सोभे घीउढार<ref>घृतधार; विवाह के अवसर पर घृत डालकर पूजा की जाने वाली एक विधि</ref>॥4॥
चमकि के बोलहइ जे चेरिया।
झमकइते<ref>इठलाते हुए</ref> आवे तोरा भाइ, रखूं कोठी-कान्हे<ref>कोठी का उपरला भाग</ref> अँजवार<ref>स्थान बनाकर, खाली कर</ref>॥5॥
दुअरहिं घोड़े हिंहियायल<ref>हिनहिनाया</ref> डोला<ref>पालकी</ref> धमसायल<ref>धूम-धाम से आना, धम्म से आना, अर्थात एक-ब-एक पहुँच जाना</ref> हे।
आगे आगे आवथिन<ref>आते हैं</ref> दुलरइता भइया, सँघ भउजी मोर हे॥6॥
डँड़िया<ref>पालकी</ref> ही आवल पोखर कान्हें<ref>पोखर के किनारे</ref> देखूँ चेरी भइया केर<ref>को</ref> सान।
भइया मोरा लखिया हजरिया<ref>लक्षपति, सहस्त्रपति</ref>।
लौलन<ref>ले आये</ref> इयरी पियरिया, भउजी सिर सेनुर हे॥7॥
चउका चनन<ref>चौका-चन्दन</ref> हम बइठम, इयरी पियरी पेन्हिके<ref>पहनकर</ref> हे॥8॥
अब हमरमाँड़ो राज गाजल<ref>राजसी शोभा</ref> होवे घिउढार बिधि हे।
बेदे बेदे<ref>प्रत्येक बेदी पर</ref> भेल घिउढार, सुमंगल गावल हे॥9॥

शब्दार्थ

<references/>