भारत की संस्कृति के लिए... भाषा की उन्नति के लिए... साहित्य के प्रसार के लिए

अगे अगे चेरिया बेटिया, नेस देहु मानिक दियरा हे / मगही

Kavita Kosh से
Sharda suman (चर्चा | योगदान) द्वारा परिवर्तित 15:00, 28 जुलाई 2015 का अवतरण ('{{KKGlobal}} {{KKLokRachna |भाषा=मगही |रचनाकार=अज्ञात |संग्रह= }} {{KKCatMagahiR...' के साथ नया पृष्ठ बनाया)

(अंतर) ← पुराना अवतरण | वर्तमान अवतरण (अंतर) | नया अवतरण → (अंतर)
यहाँ जाएँ: भ्रमण, खोज

मगही लोकगीत   ♦   रचनाकार: अज्ञात

अगे अगे चेरिया बेटिया, नेस देहु<ref>जला दो</ref> मानिक दियरा<ref>दीपक</ref> हे।
येहो<ref>इस</ref> बँसहर<ref>बाँस का घर, मंडप, कोहबर</ref> घर दियरा बराय<ref>जला दो</ref> देहु, सुततन<ref>सोये</ref> दुलरू दुलहा हे॥1॥
पहिल पहर राती बीतल, इनती मिनती<ref>प्रार्थना</ref> करथिन हे।
लेहु बहुए सोने के सिन्होंरबा<ref>सिंधोरा। लकड़ी का बना हुआ सिंदूर पात्र</ref> तो उलटि पुलटि सोबऽ<ref>सोओ</ref> हे॥2॥
अपन सिन्होरबा परभु मइया के दीहऽ<ref>देना</ref> अउरो बहिनी के दीहऽ हे।
पुरुब मुँह<ref>पूरब दिशा की ओर</ref> उगले जो चान, तइयो<ref>तोभी</ref> नहीं उलटि सोयबो हे॥3॥
दोसर पहर राती बीतल, इनती मिनती करथिन हे।
लेहु बहुए नाक के बेसरिया, उलटि जरा सोबहु हे॥4॥
अपन बेसरिया परभु, मइया दीहऽ, अउरो बहिनिया दीहऽ हे।
पुरुब के सुरूज पछिम उगतो<ref>उगेंगे</ref> तइयो नहीं उलटि सोयबो हे॥5॥
तेसर पहर रात बीतल, दुलहा मिनती करे, अउरो आरजू करे हे।
लेहु सुहवे<ref>सुभगे, सुगृहिणी</ref> सोनहर<ref>स्वर्ण-खंचित</ref> चुनरिया, त उलटि पुलटि सोबऽ हे॥6॥
अपन चुनरिया परभु जी मइया दीहऽ, अउरो बहिनिया दीहऽ हे।
पछिम उगतो जे चान, तइयो तोरा मुँह न सोयब हे॥7॥
चउठा पहर रात बीतल, भोर भिनिसरा<ref>भोर</ref> भेले हे।
भिनसरे लगल सिनेहिया<ref>स्नेह</ref> तो कागा बैरी भेले हे॥8॥

शब्दार्थ
<references/>