Last modified on 3 अप्रैल 2014, at 16:51

अनोखौ प्रेम तुम्हारौ स्याम / हनुमानप्रसाद पोद्दार

Sharda suman (चर्चा | योगदान) द्वारा परिवर्तित 16:51, 3 अप्रैल 2014 का अवतरण ('{{KKGlobal}} {{KKRachna |रचनाकार=हनुमानप्रसाद पोद्दार |अनुवादक= |स...' के साथ नया पन्ना बनाया)

(अंतर) ← पुराना अवतरण | वर्तमान अवतरण (अंतर) | नया अवतरण → (अंतर)

अनोखौ प्रेम तुम्हारौ स्याम!
बिनु कारन तुम नेह बढ़ायौ, सहज सुभाव बिबस अभिराम॥
स्वारथ भर्‌यौ हुतौ हिय मेरौ, छूँछौ सदा प्रेम के नाम।
काम-कलुष-पूरित, नित कारौ, तामें कियौ आय विश्राम॥
नहीं प्रवेस प्रेम-चटसारै, नहीं ककहरा सौं कछु काम।
दिय प्रीति-रस मोय पिया‌औ, अपने आप आय रस-धाम॥
छकी, प्रेम-रस छलक्यौ पावन, मधुर भयौ जीवन सुख-धाम।
तुम्हरे सुरभित गुन-सुमननि के तुम ही नित्य सुभग आराम॥