भारत की संस्कृति के लिए... भाषा की उन्नति के लिए... साहित्य के प्रसार के लिए

अब मैं कहा करूँ री माई! / स्वामी सनातनदेव

Kavita Kosh से
यहाँ जाएँ: भ्रमण, खोज

राग विलासखानी, ताल झूमर 11.7.1974

अब मैं कहा करूँ री माई।
नंद नँदन की मृदु मुसकन ने बरबस मो मन लियो चुराई॥
देखत ही डार्यौ टोना-सो, हौं तन-मनकी सुधि बिसराई।
मन तो गयो स्याम ही के सँग, तनकों बिरह-व्यथा बिलखाई॥1॥
गयो चैन, नित मैन<ref>कामदेव, गोपियों के प्रसंग में प्रेम को ही काम कहा जाता है</ref> सतावै, रैन नींदने लई विदाई।
असन-वसन<ref>भोजन-वस्त्र</ref> न सुहात सखी री! पावस<ref>वर्षा ऋतु</ref> सी नयनन नित छाई॥2॥
जित देखूँ तित व छवि दीखत, दर-दिवार दरपन जनु माई।
कैसे करूँ काम घर-वर के, मन तो लियो स्याम उरझाई॥3॥
स्याम बिना रहि हों क्यों आली! लालन की लाली उर छाई।
लोक जाय परलोक जाय, पै प्रीतम बिनु जीवन का माई॥4॥
प्राननाथ के भये प्रान तो यहमें कहा भई कोताई<ref>कमी-कसर</ref>।
कोउ भलै कहो कुलटा पै मैं तो अब अपनी निधि पाई॥5॥

शब्दार्थ
<references/>