भारत की संस्कृति के लिए... भाषा की उन्नति के लिए... साहित्य के प्रसार के लिए
अॼु समे जी हवा - हलीअ ते छॾियो / एम. कमल
Kavita Kosh से
Lalit Kumar (चर्चा | योगदान) द्वारा परिवर्तित 00:18, 6 अक्टूबर 2016 का अवतरण ('{{KKGlobal}} {{KKRachna |रचनाकार=एम. कमल |अनुवादक= |संग्रह=बाहि जा व...' के साथ नया पृष्ठ बनाया)
अॼु समे जी हवा - हलीअ ते छॾियो।
ज़िंदगीअ खे हली-चलीअ ते छॾियो॥
विकिणिणो पाणु थव, त माठि कयो।
अघु ख़रीदार जी ख़ुशीअ ते छॾियो॥
कीअं ख़ुद पाण खां भी दूर थिबो?!
इहो सभु शहरी ज़िंदगीअ ते छॾियो॥
कहिड़ो ऐं किअं तव्हां खे मौतु ॾिजे?
दोस्तनि जी ही दोस्तीअ ते छॾियो॥
रंज व ग़म जे जहान में कीअं जिऊँ?
इहो उम्मीद जी ठॻीअ ते छॾियो॥
किथि धमाकनि जो क़ाफ़िलो नींदो-
साज़िशुनि जे ही रहबरीअ ते छॾियो॥
बा ख़बर भी, कॾहिं त ठॻिजी वञो।
को त कमु दिलि जी सादिगीअ ते छॾियो॥