जीवन अटोप्सी
त्रासद समयका गाथाहरु
प्रत्येक दिन प्रत्येक रात
विग ब्याङ घोषणाहरुको देशमा
बोक्सी घोषित आमाहरु
छोराहरुबाट गु-मुत ख्वाइएका छन्
ब्लेकहोलका आलोक
बिचरी श्रीषाहरु हराए साता गुरुत्वाकर्षणका
साना पृथ्वीहरुझैं
हेर! एड्सग्रस्त सूर्यहरु सेता/काला
ड्वार्फहरुमा परिवर्तित हुँदैछन्
हाइपोथर्मिया: जीवनका गीतहरु
वदिनी पीडा विहिन पुङमाङ कान्छाहरु
सधैं विदेशी पर्वतमहोत्सवहरुमा व्यस्त छन्
कोरा गर! कोरा गर!
डोल्मा भाज्याङ पार
क्याथल्यावका सम्प्रतिहरुमा ओहोरदोहोर छन्
मौन हत्याराहरु
बबलगम एले
जीवनका प्याङहरुमा कता हराए
हाम्रा स्पाइडरम्यानहरु
आजभोलि डाँफेबूढाहरु
सिसायाङमा हिमालहरुतिर वसाईसराईमा छन्
आह! अल्पाइन शैलीका हातमोलाईहरु
भूगोलको एउटा मृतदेश
सम्बैधानिक व्याख्याहरुमा अलमलिएका छन् मलामीहरु
मेथमेटआ-पानी हुँडार
प्रतिगमनका सन्त्रासहरु
खोई कुन क्षेप्यास्त्रवादीलाई सोधुँ
शान्तिको रंग कस्तो हुन्छ
क्रायोनिक्स-सामुन्द्रिक ग्वालाहरु
गाँजाखेतीमा व्यस्त छन्
हेर! लुब्रका जियोकोन्डाहरु सधै
वाङदेलप्रजातिका प्रतीक्षामा छन्
समय: कर्फ्यु आदेश व्यस्त छ
म छातीमा जमरा उमारेर
कुन सिरेटो स्वप्नभरी आकाशदीप वलिरहेछु?