आखर-आखर छल छिड़िआयल / नवल श्री 'पंकज'

• हिन्दी/उर्दू
• अंगिका
• अवधी
• गुजराती
• नेपाली
• भोजपुरी
• मैथिली
• राजस्थानी
• हरियाणवी
• अन्य भाषाएँ

नवल श्री 'पंकज' »

Script

• Devanagari
• Roman
• Gujarati
• Gurmukhi
• Bangla
• Diacritic Roman
• IPA

आखर-आखर छल छिड़िआयल जोड़ि देलहुँ तऽ गजल बनल
अपन कलम केर लाधल चुप्पी तोड़ि देलहुँ तऽ गजल बनल

रंग रदीफक सजल काफिया बहरक लय मतलासँ मकता
भावक परती- उस्सर धरती कोड़ि देलहुँ तऽ गजल बनल

भाव पृष्ठपर शब्दक अरिपन पाड़ि रहल छी साँझ-परात
मोनक पट हम गजल रंगसँ ढोरि देलहुँ तऽ गजल बनल

गंगे सन अछि गजल गंहिरगर जते अकानब ततेक अथाह
मन-प्रवाह दिस लगन नाहकें मोड़ि देलहुँ तऽ गजल बनल

टीस उठल जँ मोन पड़ल किछु, कानि कऽ नोरे-नोर भेलहुँ
पांति-पांति नोरक पोखरिमे बोरि देलहुँ तऽ गजल बनल

छूटल-टूटल-रूसल सभ, नहि गजल बाटपर संग किओ
“नवल” गजल कहबा पाछा जग छोड़ि देलहुँ तऽ गजल बनल