इअं ॾिसणु, ॾिसंदो रहणु धारियनि खे!
मन ई मन मुरिकी ॾिसणु, धारियनि खे!
हूंअ त अख़्लाक़ तक़ाज़ा थो करे,
सोच खां दूर रखणु धारियनि खे!
दिल थी चाहे त ॾिसां किअं लॻंदो,
थोरो थोरो ई वणणु धारियनि खे!
छो न, हा छो न ज़रूरी आहे,
कंहिंजो अहसास हुअणु धारियनि खे!
या बुरो या त चङो ई लॻंदो,
किअं बि पंहिंजनि में ॻणणु धारियनि खे!
तन खे केॾो न सुख ॾींदो,
मन जी पीड़ा सां छुहणु धारियनि खे!
किअं चवां, दिल बि मञे जे हासिद,
ॻाल्हि अहिड़ी का चवणु धारियनि खे!