मां विकिणां थो उज़िबा, पहिंजे जिस्म जा
मिली सघन्दा जुदा जुदा, पिण हर किस्म जा
नाले नामुराद सां, मशहूर आहियां
खंयलु कर्जु मोटाइण लाइ, मजबूर आहियां
ॿुधो अथम त हिक गुड़िदे, सा बि जी सघिबो आ
मिलियल रकम सां बिना कमाए अमीर थी सघिबो आ
अखि हिकिड़ीअ खे बि लीलाम करे सघिजे थो
बचियल हिक अखि बि काफी आ दिसी सघिजे थो
बदन जो अधु खून बि विकिरे लाइ तियार आहे
हुजे को चटि, अचे मूं वटि, सणिभो, सताबो इन्तिजार
आहे
नकु हिकिड़ो ई आ, उहो न दीदुंसु
बाकी को बि उज़िबो, दई छदींदुसु
दुकान खुलियलु आ, चोवीह कलाक
हलिया अचो बेहिजाब, हुजे मींह चाहे माक
आजियां थींदी हिते, मति जे मूढ़नि जी
जरूरत दाढी आ, गंढि जे गूढनि जी
कर्जु आहे मुहिंजे मथां पालण वारनि जो
ॿोझु त लाहिणों ई पवन्दो उधारनि जो
जेको डोड़ी ईन्दो, अवल सो पाईंदो
सुमिहीं रहियो सोचण में पछताईन्दो
अचो गर्ज वारा, अचो मर्ज वारा
पहिंजनि, परावनि जे कर्ज वारा
पतो लिखां थो पहिंजो, सहूलियत जे लाइ
नालो अची लिखायो, कबूलियत जे लाइ
मौजूद आहियां, रोजगार वारे दफतर अगियां
लॻल कतार में सभिनी जे पुठियां