भारत की संस्कृति के लिए... भाषा की उन्नति के लिए... साहित्य के प्रसार के लिए
ई अदरा कें मेघ ने मानत / नरेश कुमार विकल
Kavita Kosh से
सशुल्क योगदानकर्ता ३ (चर्चा | योगदान) द्वारा परिवर्तित 23:07, 22 अप्रैल 2015 का अवतरण ('{{KKGlobal}} {{KKRachna |रचनाकार=नरेश कुमार विकल |संग्रह=अरिपन / नर...' के साथ नया पृष्ठ बनाया)
आइ चतुर्थीक राति मे कनियाँ
कानि रहलि छै कोहबर मे।
भरल सीमन्त सिनुर सुहागक
बनल अभागलि कोहबर मे।
फूटि गेलै आहिबाक पातिल
रूसि गेलाह पहु हमर किऐ ?
कोना जुड़ाएत दग्धल छाती ?
सोचि रहलि छी कोहबर मे।
हमरे आँखिक छाहरि तर मे
रभसय सौतिन कें संग मे
अप्पन सप्पत डाह ने होइयै
देखि कऽ अनका कोहबर मे।
सऽख-सेहन्ता सभ कें होइछै
हमरो केओ श्रृंगार देखय
आहार देखय, व्यवहार देखय
आ विचार देखय केओ कोहबर मे।
टिकुली नहि साटल बिजुरी थिक
चमकल सबहक आँगन मे
आब ने सीता चुप भऽ बैसतीह
ककरो बुत्त कोहबर मे।
टेभीक घघरा उठल गगन र
घेरि लेलक घनघोर घटा
ई अदरा कें मेघ ने मानत
रहत बरसिकऽ कोहबर मे।
