भारत की संस्कृति के लिए... भाषा की उन्नति के लिए... साहित्य के प्रसार के लिए

एक गीत / गोपालप्रसाद रिमाल

Kavita Kosh से
Sirjanbindu (चर्चा | योगदान) द्वारा परिवर्तित 17:40, 21 मई 2017 का अवतरण ('{{KKGlobal}} {{KKRachna |रचनाकार=गोपालप्रसाद रिमाल |अनुवादक= |संग्...' के साथ नया पृष्ठ बनाया)

(अंतर) ← पुराना अवतरण | वर्तमान अवतरण (अंतर) | नया अवतरण → (अंतर)
यहाँ जाएँ: भ्रमण, खोज

केही आहझैँ केही चाहझैँ
सौरभ छरी वरिपरि
तिमी प्रतीक्षामा झैँ कसको
भन न भन कली !
जब भिखारीको हातसरि
फुक्नेछ तिम्रो सुन्दर तन
के ठानी के दिऊँ तिमीलाई
भन न भन कली !
समीप छ हेर्छु देख्छु
तिमी फुले झरेमा
रोए हाँसेझैँ गर्छु
तर यै हाँसो यै आँसु
यै समीपताको जीवन-जलमा
तिमीले प्रतिबिम्बित पायौ आफूलाई
भन न भन कली !
सन्देह चियाउँछ जब यो विश्वबीचमा
तिमी दूर हुन्छौ ताराझैँ,
दूर हुनाले चाह गरेको
त्यै तारासित तर फिराद यही छ-
किन त्यो मेरो कलीझैँ
रोइने हाँसिने भएन
समीप भएन?
भन न भन कली !
क्षणभरको छोटो जीवन
वसन्त लाख फुलाउँछ !
शिशिर लाख सुकाउँछ !
अनादि भूत अनन्त भविष्यको
कहालीलाग्दो फैलावटबीचमा
कस्तो यो जीवन-काल कली?
भन न भन कली !