Last modified on 4 अगस्त 2016, at 07:22

ए मलाई माया गर्छु भन्ने हजुर / गोपाल योञ्जन


ए मलाई माया गर्छु भन्ने हजुर
कहिले माया पनि देखाउने गर
तिम्रो टाढाको म्वाई पुगेन मलाई
बरू आई मलाई सताउने गर

भावनामा नआऊ तिमी यादमा नआऊ
तन्नेरीको सपनामा जस्तै स्वादमा नआऊ
प्रीतिको फूल टिप्न पर्छ भने
काँडादेखि डराई नभाग्ने गर

मान्छे केके भन्छन् तिमीलाई मनले के के भन्छ
साँचो कुरा भन मलाई एक दिन त भेट हुन्छ
नलुकाई मनका सारा विम्वहरू
मन खोली मलाई देखाउने गर