भारत की संस्कृति के लिए... भाषा की उन्नति के लिए... साहित्य के प्रसार के लिए
ऐ काच रा घर भाठा ना फेंको / सांवर दइया
Kavita Kosh से
Neeraj Daiya (चर्चा | योगदान) द्वारा परिवर्तित 18:24, 10 अप्रैल 2011 का अवतरण (नया पृष्ठ: {{KKGlobal}} {{KKRachna |रचनाकार=सांवर दइया |संग्रह=आ सदी मिजळी मरै / सांवर दइया }} […)
ऐ काच रा घर भाठा ना फेंको
म्हांनै लागै डर भाठा ना फेंको
थारै-म्हारै सुपनां रो कर सौदौ
जुलूस गयो गुजर भाठा ना फेंको
बातां सूं ई तोड़ो फूल गगन रा
ठारो थे कीं कर भाठा ना फेंको
माटी री ताकत ओळखो तो सरी
रतन बणावै नर भाठा ना फेंको
सागी ठौड़ लागण री जेज है बस
आखर करै असर भाठा ना फेंको