कंहिं खे अखिड़ियुनि सां ॿुधो हूंदोसीं!
कंहिंजो आवाज़ ॾिठो हूंदोसीं
तूं असां खे न सुञाणे सघंदें,
टहक ॾींदे बि रुनो हूंदोसीं!
छो तमन्ना खे रखियोसीं गिरवी,
कंहिं लइ अभिमान ॻिधो हूंदोसीं!
पंहिंजे आँचल में छॾियो जंहिं वेढ़े
सो बि पंहिंजो न लॻो हूंदोसीं!
अक़्स तुंहिंजे सां घड़ी मनु ओरे,
केॾो वरितो न मज़ो हूंदोसीं!
तुंहिंजे स्वासनि खे झटण लइ हासिद,
पलु गुज़ारियो को सुञो हूंदोसीं!