कउन बन उपजे हे नरियर, कउन बन उपजे अनार हे / मगही

मगही लोकगीत   ♦   रचनाकार: अज्ञात

लोकगीतों की भाषा चुनें अवधी कन्नौजी कश्मीरी कुमाँऊनी खड़ी बोली गढ़वाली गुजराती गोंड छत्तीसगढी निमाड़ी पंजाबी बाँगरू बांग्ला बुन्देली ब्रजभाषा भदावरी भोजपुरी मगही मराठी माड़िया मालवी मैथिली राजस्थानी संथाली संस्कृत हरियाणवी हिन्दी हिमाचली देखें

कउन<ref>किस</ref> बन उपजे<ref>उपजता है</ref> हे नरियर, कउन बन उपजे अनार हे।
ललना, कउन बन उपजे गुलाब, तो चुनरी रँगायब हे॥1॥
बाबा बन उपजे हे नरियर, भइया बन अनार हे।
ललना, सामी<ref>स्वामी</ref> बन उपजे गुलाब, त चुनरी रँगायब हे॥2॥
से चुनरी पेन्हथिन<ref>पहनेगी</ref> सुगही,<ref>सुगृहिणी</ref> दुलरइतिन<ref>दुलारी</ref> सुगही हे।
ललना, पेन्हिए चललन पानी लावे, चुकवन<ref>मिट्टी का छोटा पात्र या चुक्कड़</ref> पानी भरे हे॥3॥
बटियन<ref>रास्ते में</ref> पूछऽ हे बटोहिया, त कुआँ पनिहारिन हे।
ललना, केकर हहु तोंहि बारी-भोरी,<ref>कमसिन और भोली-भाली</ref> कउन भइया के दुलारी हे।
ललना कउन पुरुसवा के नारी, त चुकवा लेइ पानी भरे हे॥4॥
बाबा के हम हीअइ<ref>हूँ</ref> बारी,<ref>कम उम्रवाली लड़की</ref> त भइया के दुलारी हे।
ललना, सामी जी के अलप<ref>अल्प, अथवा अत्यन्त लप-लप पतली</ref> सुकुमारि, चुकवा सन<ref>से</ref> पानी भरी हे॥5॥
मचिया बइठल तुहूँ सासुजी, सुनहऽ बचन मोरा हे।
ललना, रहिया में मिलल एक रजवा<ref>राजा</ref> त बदन निहारइ हे।
ललना, बोले लगल बचन कुबोल,<ref>नहीं बोलने योग्य</ref> करे लगल हाँसी हे॥6॥
कइसन<ref>कैसा</ref> हइ उजे<ref>वह जो</ref> रजवा, कइसन रँग हाथी हे।
ललना, कइसन हकइ<ref>है</ref> महाउत,<ref>महावत</ref> कहि समुझावहु हे॥7॥
करिया रंग के हथिया से गोरे महाउत हे।
ललना, सुन्नर बदन के जे रजवा से बदन निहारइ हे॥8॥
हँसि-हँसि बोलथिन<ref>बोलती है</ref> सासुजी, तुहूँ बहू बोदिल<ref>नासमझ, बोदा</ref> हे।
ललना, रजवा हकइ मोर बेटवा, आयल परदेश करि हे।
ललना, दुअरे बाँधल हकइ हथिया, तोहर परभु आयल हे॥9॥

शब्दार्थ

<references/>