भारत की संस्कृति के लिए... भाषा की उन्नति के लिए... साहित्य के प्रसार के लिए
करौं विनती सुनौ भैया समय पै भात लै अइयौ / बुन्देली
Kavita Kosh से
Sharda suman (चर्चा | योगदान) द्वारा परिवर्तित 21:48, 12 मार्च 2015 का अवतरण ('{{KKGlobal}} {{KKLokRachna |भाषा=बुन्देली |रचनाकार=अज्ञात |संग्रह=ब...' के साथ नया पृष्ठ बनाया)
बुन्देली लोकगीत ♦ रचनाकार: अज्ञात
करौं विनती सुनौ भैया समय पै भात लै अइयौ।
सास कों बीरन मोरे लाँगा लुगरों
ससुर कों पाग पिछौरा लै अइयौ।
करौं विनती ...
जिठनी कों बीरन मोरे चुनरी औ चोली
सो जेठा कों कुरता लै अइयौ।
करौं विनती ...
हम कों बीरन मोरे हार औ कंगना
सो बहनोई को धोती कुरता लै अइयौ।
जो मोरे बीरन तुमें इतनो नै पूजै
तौ रीते हाथ चले अइयौ।
करौं विनती ...