भारत की संस्कृति के लिए... भाषा की उन्नति के लिए... साहित्य के प्रसार के लिए
कर कसर का करणु सिखीं जे हा! / अर्जुन हासिद
Kavita Kosh से
Lalit Kumar (चर्चा | योगदान) द्वारा परिवर्तित 23:18, 22 अगस्त 2016 का अवतरण ('{{KKGlobal}} {{KKRachna |रचनाकार=अर्जुन हासिद |अनुवादक= |संग्रह=मो...' के साथ नया पृष्ठ बनाया)
कर कसर का करणु सिखीं जे हा!
इअं हवा में उॾणु छॾीं जे हा!
रोज़ मेला ऐं रोज़ मेहमानियूं,
ऐॾो ऐॾो न इअं पॾीं जे हा!
केॾा माण्हू मरनि था गोलियुनि सां,
कंहिं न कंहिं खां सबब पुछीं जे हा!
देस बणिजी गरीबख़ानो पियो,
दिल ऐं दांगी भॻल ॾिसीं जे हा!
कि अं लुटियो आहे, कंहिं लुटियो आहे,
पंहिंजे घर जी ख़बर लहीं जे हा!
आग जंहिं एॾी बाहि ॿारी आ,
तूं बि तंहिं ताव खां बचीं जे हा!
चुप लॻी वेई आहि माण्हुनि खे,
तूं बि हासिद की चुप रहीं जे हा!
