भारत की संस्कृति के लिए... भाषा की उन्नति के लिए... साहित्य के प्रसार के लिए

कविता / नीरज दइया

Kavita Kosh से
यहाँ जाएँ: भ्रमण, खोज

लखदाद है बां नै
जिका झट देणी
घड़ काढै- कविता ।

लखदाद है बां नै
जिका झट देणी
लिख काढै- कविता ।

लखदाद है बां नै
जिका झट देणी
बणा'र बगा देवै- कविता ।

लखदाद है बां नै
जिका झट देणी
नक्की हुवै- कविता सूं ।

रामजी !
माफ करजो म्हनै
कविता म्हारै सारू
ऐड़ी-वैड़ी बात नीं है ।

क्यूं कै म्हैं
कसमसीजतो-कसमसीजतो सीझ परो
फगत लिखूं कीं ओळ्यां
अर मुगती पाऊं
उमर री पीड़ सूं
काढूं कांटा डील सूं
अर उण पीड़ पाछलै
सुख नै
जद जद भोगूं
लोग कैवै-
लिखी है कविता ।