भारत की संस्कृति के लिए... भाषा की उन्नति के लिए... साहित्य के प्रसार के लिए

किताब / भीष्म उप्रेती

Kavita Kosh से
Sirjanbindu (चर्चा | योगदान) द्वारा परिवर्तित 14:48, 9 मई 2017 का अवतरण ('{{KKGlobal}} {{KKRachna |रचनाकार= भीष्म उप्रेती |अनुवादक= |संग्रह= }}...' के साथ नया पृष्ठ बनाया)

(अंतर) ← पुराना अवतरण | वर्तमान अवतरण (अंतर) | नया अवतरण → (अंतर)
यहाँ जाएँ: भ्रमण, खोज

अचम्म होइन त ।
किताबमा छैनन् अक्षरहरू आज ।

कहाँ गएछन् अक्षरहरू
एकसाथ, अचानक ?

बिहानबिहानै
कालो बादल उठिरहेछ चारैतिरबाट
मैलो बोरा ओढेर सडक–पेटीमा
फोहोरछेउमा सुतिरहेछन् केटाकेटीहरू
अस्पतालको बाहिरपट्टि सडकमा
भयानक रोगले मरिरहेकी छे युवती
टालैटालोले बनाएको मैलो लुगामा
हिमालमा जाडो छल्ने प्रयासमा छन् भरियाहरू
र एक छाक भातमा
आफूलाई बेचिरहेछन् मानिसहरू ।

म एक–एक गर्दै सोचिरहेछु सबै दृश्य
चेतनालाई बेस्सरी कोर्रा हान्दै
अमिलिँदै, पाक्दै
हराइरहेछु अनुभूतिको सिङ्गो जङ्गलमा ।

कति पढ्नु एकोहोरो किताब मात्र
पत्रपत्र च्यातेर समयलाई
म आज दुःख र मान्छेकोजीवन पढ्छु ।

किताबमा छैनन् अक्षरहरू आज ।